Wythnos Genedlaethol Magu Plant 2026: Gwneud Cysylltiadau

Wythnos Genedlaethol Magu Plant 2026: Gwneud Cysylltiadau

Dydd Llun 19 – Dydd Gwener 23 Hydref 2026 

Bydd Cyswllt Rhieni Cymru yn ymuno â theuluoedd ledled Cymru i ddathlu Wythnos Genedlaethol Magu Plant 2026, a gynhelir o ddydd Llun 19 tan ddydd Gwener 23 Hydref. 

Mae thema eleni, “Creu Cysylltiadau”, yn tynnu sylw at bwysigrwydd cysylltiad ym mywyd teuluol ac yn annog rhieni a gofalwyr i gymryd rhan, cysylltu ag eraill, darganfod cefnogaeth, treulio amser o safon gyda'i gilydd a dathlu'r cydberthynasau sydd bwysicaf. 

Beth yw Wythnos Genedlaethol Magu Plant? 

Mae Wythnos Genedlaethol Magu Plant yn dathlu, yn cefnogi ac yn codi ymwybyddiaeth o'r rôl hanfodol y mae rhieni a gofalwyr yn ei chwarae wrth siapio bywydau plant.  

Drwy gydol yr wythnos, bydd Cyswllt Rhieni Cymru yn: 

• Amlygu'r heriau sy'n wynebu rhieni 
• Mwyhau lleisiau rhieni 
• Hyrwyddo mynediad at gefnogaeth, cyngor ac adnoddau i deuluoedd 
• Annog cysylltiadau ystyrlon rhwng teuluoedd, cymunedau a gwasanaethau cymorth 

Mae'r wythnos hon yn rhoi cyfle i ddathlu a chefnogi rhieni a gofalwyr, codi ymwybyddiaeth o realiti magu plant, ac arddangos y gefnogaeth sydd ar gael i deuluoedd ledled Cymru.

Dysgwch fwy yma:- https://www.ci-ni.org.uk/parenting-week-2026/

Cyswllt Rhieni Cymru 

Dan arweiniad Plant yng Nghymru a gyda chyllid gan Lywodraeth Cymru, mae Cyswllt Rhieni Cymru yn rhoi llais i rieni a gofalwyr ledled Cymru wrth lunio'r polisïau a'r gwasanaethau sy'n effeithio ar deuluoedd. 

Mae rhieni a gofalwyr wedi dweud wrthym eu bod nhw eisiau: 

• Teimlo bod eu profiadau bywyd yn cael eu gwerthfawrogi 
• Bod yn rhan o'r broses o wneud penderfyniadau yn gynnar, nid fel ymarfer ticio blychau 
• Derbyn adborth ar sut mae eu barn nhw wedi dylanwadu ar newid 

Drwy wrando ar rieni a gofalwyr, gallwn helpu i greu gwasanaethau o ansawdd uchel sy'n cryfhau teuluoedd ac yn sicrhau bod hawliau plant yn cael eu parchu a'u cyflawni.  

Cymryd Rhan 

Yr Wythnos Magu Plant hon, rydym yn gwahodd rhieni, gofalwyr, sefydliadau a chymunedau i wneud Addewid Cysylltiad – ymrwymiad syml i gysylltu â rhywun yn ystod yr wythnos. 

Boed yn estyn allan at riant arall, ymuno â grŵp lleol, treulio amser gyda'n gilydd fel teulu neu gefnogi rhywun a allai fod ei angen, mae pob cysylltiad yn cyfrif. 

Rhannwch eich addewid drwy e-bostio parentsconnect@childreninwales.org.uk neu bostio ar y cyfryngau cymdeithasol gan ddefnyddio: 

#ParentingWeek2026  #MakingConnections #WythnosMaguPlant2026 #GwneudCysylltiadau 

Adnoddau i rieni a gofalwyr: 

• Gallwch ddod o hyd i awgrymiadau a chefnogaeth ymarferol i ddiogelu a gwella eich lles meddyliol yma: https://hapus.cymru/lles-meddyliol/ffyrdd-o-wella-lles/   
• Cewch gyngor ac arweiniad ar gadw'ch plant yn ddiogel ar-lein a rheoli defnydd sgriniau yma: https://www.llyw.cymru/magu-plant-rhowch-amser-iddo/plant-8-12-oed/we-ar-cyfryngau-cymdeithasol  
• Gallwch ddod o hyd i gymorth iechyd meddwl yn eich ardal chi yma: https://www.mind.org.uk/about-us/local-minds/ 
• Gallwch ddysgu mwy am hawliau plant a sut allwch chi eu cefnogi yma: https://www.childreninwales.org.uk/cy/gweithwyr_profesiynol/ein_gwaith/Cymorth-i-Deuluoedd-a-Rhianta/Cyswllt-Rhieni-Cymru/Hwb-Cyswllt-Rhieni-Cymru/Rhieni-a-hawliau-plant/  
• Cael cymorth gyda chyllidebu teuluol: hhttps://www.llyw.cymru/magu-plant-rhowch-amser-iddo/cyllideb-y-teulu  

Gyda'n gilydd gallwn wneud cysylltiadau 

Gyda'n gilydd, gallwn helpu rhieni a gofalwyr i feithrin cysylltiadau ystyrlon, cael mynediad at gymorth a chryfhau bywyd teuluol ledled Cymru yn ystod Wythnos Genedlaethol Magu Plant 2026.