Amdanom Ni
Rydyn ni’n gweithio’n agos gyda Llywodraeth Cymru ac eraill yng Nghymru i sicrhau lle blaenllaw i hawliau plant mewn polisïau a phenderfyniadau. I wneud hyn, rydyn ni’n canolbwyntio ar sicrhau bod llais gan blant a phobl ifanc yng Nghymru, rydyn ni’n brwydro dros wasanaethau teg a chynaliadwy, yn eiriol dros newid polisïau yng Nghymru ac yn cysylltu ac yn cynrychioli’r gwaith sy’n cael ei wneud gan ein haelodau.
Plant yng Nghymru yw’r sefydliad trosfwaol cenedlaethol ar gyfer sefydliadau ac unigolion sy’n gweithio gyda phlant, pobl ifanc a’u teuluoedd yng Nghymru. Rydyn ni’n gweithio’n agos gyda Llywodraeth Cymru ac eraill yng Nghymru i sicrhau lle blaenllaw i hawliau plant mewn polisïau a phenderfyniadau. I wneud hyn, rydyn ni’n canolbwyntio ar sicrhau bod llais gan blant a phobl ifanc yng Nghymru, rydyn ni’n brwydro dros wasanaethau teg a chynaliadwy, yn eiriol dros newid polisïau yng Nghymru ac yn cysylltu ac yn cynrychioli’r gwaith sy’n cael ei wneud gan ein haelodau.
Mae ein haelodau’n cynnwys unigolion a sefydliadau o’r sectorau gwirfoddol, statudol a phroffesiynol. Rydyn ni hefyd yn gweithio’n uniongyrchol gyda phlant a phobl ifanc ar nifer o brosiectau ac yn ddiweddar rydyn ni wedi cychwyn aelodaeth benodol ar gyfer ein cynulleidfa iau.
Ein Gweledigaeth
Adeiladu Cymru lle mae holl hawliau pob plentyn a pherson ifanc yn cael eu cyflawni.
Bwrdd yr Ymddiriedolwyr
Rheolir Plant yng Nghymru gan ein Bwrdd o Ymddiriedolwyr, yn unol â chanllawiau’r Comisiwn Elusennau. Ein Hymddiriedolwyr sy’n goruchwylio cyllid, trefn lywodraethu a chydymffurfiaeth Plant yng Nghymru, ac yn gosod a chynnal ein gweledigaeth a’n gwerthoedd
Cyfleusterau cynadledda a chyfarfodydd
Mae gan Plant yng Nghymru ystafell gynadledda sydd ar gael i’w llogi yn ein Prif Swyddfa mewn lleoliad cyfleus yng nghanol Caerdydd.
Adroddiadau Blynyddol
Mae Adroddiadau Blynyddol Plant yng Nghymru yn rhoi trosolwg o’r gwaith rydym ni wedi ei wneud yn ystod unrhyw flwyddyn ariannol.
Ein hanes
Ers 1992, mae Plant yng Nghymru wedi bod yn sefydliad trosfwaol cenedlaethol ar gyfer unigolion a sefydliadau gwirfoddol, statudol a phroffesiynol sy’n gweithio gyda phlant, pobl ifanc a’u teuluoedd yng Nghymru.
