Rôl Bwrdd yr Ymddiriedolwyr

Mae rôl yr ymddiriedolwyr yn cynnwys:

• Rheoli’r Elusen, ei heiddo a’i chyllid

• Cyfrifoldeb am drefn lywodraethu gyffredinol a chyfeiriad strategol Plant yng Nghymru

• Datblygu nodau, amcanion a thargedau Plant yng Nghymru yn unol â’r ddogfen lywodraethu, a’r canllawiau cyfreithiol a rheoleiddio

• Sicrhau bod Plant yng Nghymru a’i gynrychiolwyr yn gweithredu oddi mewn i fframwaith cyfreithiol a rheoleiddio’r sector, ac yn unol â dogfen lywodraethu’r sefydliad, gan ymdrechu’n barhaus i sicrhau arfer gorau ym maes llywodraethu  

• Cyflawni’r ddyletswydd ymddiriedol sy’n rhan o’r swydd, gan gyflawni’r cyfryw ddyletswyddau mewn modd sy’n cynyddu hyder ac ymddiriedaeth y cyhoedd yn Plant yng Nghymru

• Cyfweld â staff uwch cyflogedig, eu penodi a monitro eu gwaith a’u gweithgareddau

Gan mai’r bwrdd sy’n gyfrifol am lywodraethu Plant yng Nghymru a’i weithrediad, mae’n atebol, i raddau gwahanol, i amryw o unigolion, gan gynnwys: defnyddwyr y gwasanaeth, yr aelodau, y cyllidwyr, y Comisiwn Elusennau a Thŷ’r Cwmnïau. Rhaid rhoi sylw manwl i’r ddogfen lywodraethu er mwyn gweld y math o strwythur sefydliadol a’r amrediad o bartïon sydd â diddordeb.

Mae holl aelodau presennol Plant yng Nghymru yn gymwys i gael eu henwebu neu sefyll mewn etholiad ar gyfer Bwrdd yr Ymddiriedolwyr, ac yn gallu bwrw pleidlais. Rhaid i Aelodau Bwrdd yr Ymddiriedolwyr fod yn rhan o Aelodaeth Plant yng Nghymru ar hyd eu cyfnod ar y bwrdd. Ar ôl cael eu hethol, tair blynedd fydd y cyfnod o wasanaeth, gyda’r posibilrwydd o adnewyddu unwaith. Ar ôl dau dymor, rhaid sicrhau bwlch o ddwy flynedd o leiaf cyn y bydd aelod yn gymwys i sefyll eto mewn etholiad.