Bob blwyddyn, mae Plant yng Nghymru, mewn partneriaeth â Rhwydwaith Dileu Tlodi Plant Cymru (ECPN), yn cynnal yr Arolygon Tlodi Plant a Theuluoedd. Yr ydym yn awr yn ein 8fed flwyddyn.

Mae canfyddiadau’r arolygon hyn yn ein helpu i nodi a deall mwy am y materion presennol a’r effaith y mae tlodi yn ei chael ar blant, pobl ifanc a theuluoedd yng Nghymru. Bydd eich profiadau a'ch safbwyntiau yn ein helpu i nodi a rhannu'r wybodaeth hon yn eang. 

Mae eich lleisiau wir yn gwneud gwahaniaeth. Er enghraifft, cafodd canfyddiadau ein harolwg diwethaf, a gyhoeddwyd yn 2025, eu lledaenu'n eang, gan ymgysylltu â llunwyr polisi lleol a chenedlaethol, gan gynnwys swyddogion a Gweinidogion Llywodraeth Cymru. Maent wedi llywio'r Strategaeth Tlodi Plant gyfredol, wedi cefnogi prosiectau newydd a phresennol, wedi dylanwadu ar bolisi ac arfer ar draws sectorau gan gynnwys iechyd, addysg a chymorth i deuluoedd. Mae adroddiadau blynyddoedd blaenorol hefyd wedi cael eu defnyddio gan Iechyd Cyhoeddus Cymru ac maent wedi llywio'r Strategaeth Tlodi Plant. 

Beth bynnag fo'ch rôl neu sector, mae eich profiadau a'ch safbwyntiau yn cael eu gwerthfawrogi'n fawr ac yn bwysig i ni. P’un a ydych yn ymarferwr, yn addysgwr, yn wneuthurwr polisi neu’n rheolwr, os yw eich rôl yn cynnwys cylch gwaith ar gyfer plant, pobl ifanc a theuluoedd, yna rydym am glywed gennych. 

Cymerwch ran yn yr arolygon

Cymerwch 15 munud i gwblhau'r arolwg. Mae tri arolwg:

Gweithwyr Proffesiynol ac Ymarferwyr

Pobl Ifanc (12 – 25 oed)

Plant (7 – 11 oed)

Bydd pob arolwg yn cau ar 22 Hydref 2026. 

Rydym yn chwilio am gymaint o ymgysylltu â phosibl a byddem yn gwerthfawrogi eich cymorth wrth ddosbarthu’r arolygon i’ch cydweithwyr, rhwydweithiau a, lle bo’n bosibl, i rieni a phlant a phobl ifanc gan ei bod yn hollbwysig ein bod hefyd yn clywed ganddynt yn uniongyrchol. 

Adnoddau i gefnogi plant a phobl ifanc

Rydym wedi datblygu dau adnodd sy'n addas ar gyfer plant a phobl ifanc i'w cefnogi i gymryd rhan yn yr arolygon. Maent yn egluro beth mae tlodi yn ei olygu, pam fod eu barn yn bwysig a beth i'w ddisgwyl gan yr arolwg.

Adnodd ar gyfer pobl ifanc (12–25 oed) 

Adnodd ar gyfer plant (7–11 oed)

Byddwn yn cyhoeddi ac yn rhannu'r canfyddiadau yng Ngwanwyn 2027, ac yna byddwn yn cynnal gweminar i'w crynhoi. Ein nod yw y bydd y canfyddiadau unwaith eto yn helpu i lunio a llywio polisi ac arfer yng Nghymru. 
 

Diolch am eich cefnogaeth.