Diogelu

Os ydych chi’n pryderu am blentyn neu berson ifanc yn eich teulu neu eich cymuned, gallwch chi ffonio 101 i roi gwybod am unrhyw faterion. Os ydych chi’n pryderu bod plentyn neu berson ifanc mewn perygl uniongyrchol o ddioddef niwed, ffoniwch 999 os gwelwch yn dda.

Os hoffech chi roi gwybod am bryder diogelu ynghylch plentyn neu berson ifanc, gallwch chi gysylltu â’r gwasanaethau cymdeithasol yn eich ardal. Mae’r wybodaeth gyswllt ar gael trwy’r byrddau diogelu lleol:

Bwrdd Diogelu Rhanbarthol Caerdydd a’r Fro

Bwrdd Diogelu Canolbarth a Gorllewin Cymru Diogelu plant ac oedolion

Cwm Taf Morgannwg Bwrdd Diogelu

Diogelu Gwent

Bwrdd Diogelu Gogledd Cymru

Byrddau Diogelu Bae’r Gorllewin

Os ydych chi eisiau deall mwy am ddiogelu plant ac oedolion ‘mewn perygl’ yng Nghymru, yna lawrlwythwch ap Gweithdrefnau Diogelu Cymru ar eich dyfais a bydd gennych yr holl wybodaeth sydd ei hangen arnoch ar flaenau eich bysedd. Ewch i Diogelu Cymru am ragor o wybodaeth.

Diogelu yn Plant yng Nghymru

Os hoffech wybod mwy am sut mae Plant yng Nghymru yn ymateb i bryderon diogelu, mae polisi a gweithdrefnau Diogelu’r sefydliad i’w gweld isod.

Datganiad Polisi ar Ddiogelu 

Chwythu'r chwiban

Adrodd pryder neu ddarparu gwybodaeth am gamwedd gan Plant yng Nghymru.

Polisi Chwythu'r Chwiban ac Adrodd am Ddigwyddiadau Difrifol      Ffurf chwythu'r chwiban

Os bydd angen hyfforddiant diogelu arnoch chi neu eich cydweithwyr, cliciwch isod i weld yr ystod eang o gyrsiau diogelu sy’n cael eu darparu gan Plant yng Nghymru

Gweld ein cyrsiau

Gwybodaeth i staff, gwirfoddolwyr a phartneriaid cyswllt Plant yng Nghymru

Os oes gennych chi bryder bod rhywun mewn perygl uniongyrchol o gam-drin, dylech chi gysylltu â'r Heddlu ar unwaith. Yna dylech chi lenwi Ffurflen Cofnod o Bryder i gofnodi'r digwyddiad. Bydd eich ffurflen yn cael ei hanfon ymlaen yn awtomatig at ein tîm o Unigolion Diogelu Dynodedig.

Ar gyfer unrhyw bryderon diogelu eraill nad ydynt yn rhai brys, ni waeth pa mor fach ydynt, dylech hefyd lenwi Ffurflen Cofnod o Bryder gan y gallai hyn helpu i benderfynu a oes angen darparu unrhyw gefnogaeth neu gymryd camau gweithredu. Os oes gennych chi unrhyw gwestiynau am y broses hon neu os nad ydych chi'n siŵr pa gamau i'w cymryd, anfonwch e-bost at safeguarding@childreninwales.org.uk.