Y Gyfnewidfa Arfer Eiriolaeth

Mae’r Gyfnewidfa Arfer Eiriolaeth yn fforwm i ymarferwyr a rheolwyr eiriolaeth rannu arfer, profiad a gwybodaeth am eiriolaeth a meysydd cysylltiedig.  Mae’r fforwm a gafodd ei sefydlu yn 2006 yn cefnogi’r egwyddor y dylai eiriolaeth fod yn fwy hygyrch i bob plentyn a pherson ifanc, yn enwedig y rhai sydd fwyaf agored i niwed.  Mae’r fforwm yn galluogi ei aelodau i:

• Rannu arfer, gwybodaeth, syniadau a rhwydweithio
• Cefnogi ei gilydd
• Archwilio’r tebygrwyddau a’r gwahaniaethau yn y ddarpariaeth gwasanaethau eiriolaeth
• Cysylltu â rhwydweithiau fel y Grŵp Darparwyr Eiriolaeth, lle bo’n briodol
• Darparu llais cyfunol i ymarferwyr
• Hyrwyddo hawliau plant o fewn maes eiriolaeth

Mae’r grŵp yn cwrdd tair gwaith y flwyddyn.  Mae gwybodaeth sy’n cael ei chasglu yn y Gyfnewidfa Arfer yn cael ei bwydo i mewn i’r Grŵp Darparwyr Eiriolaeth sydd yn ei dro yn bwydo gwybodaeth trwodd i Lywodraeth Cymru.

Aelodaeth

Mae aelodaeth y fforwm ar agor i bob eiriolwr sy’n gweithio gyda phlant a phobl ifanc yng Nghymru. Dylai pob aelod allu cyfrannu at ddatblygiad y grŵp. Gwahoddir gweithwyr proffesiynol o’r tu allan i faes eiriolaeth, neu sydd ar lefel reoli/strategol o fewn eiriolaeth, fynychu neu gyfrannu  fel y bo’n briodol yn ôl cytundeb yr aelodau.

Manylion Cyswllt