Tlodi

ECPN October 2020

COVID and Families Welsh Report Final

Child and Family Poverty Survey Report Jul 2020 CYMRAEG

Ym mis Hydref 2016, i nodi Diwrnod Rhyngwladol Diddymu Tlodi y CU, cyflwynodd Rhwydwaith Dileu Tlodi Plant Cymru (ECPN) 3 galwad lefel uchel ar Lywodraeth Cymru i ddwysáu ei hymdrechion a mwyafu’r adnoddau oedd yn cael eu neilltuo i fynd i’r afael â thlodi plant yng Nghymru.

3 blynedd yn ddiweddarach, rydym ni’n dal i bryderu’n fawr bod lefelau tlodi plant yng Nghymru yn codi, a bod disgwyl iddynt gynyddu’n sydyn yn y dyfodol agos, wrth i lawer mwy o blant, pobl ifanc a’u teuluoedd gael trafferth i dalu am gostau ac anghenion sylfaenol pob dydd.

Gan fod carreg filltir 2020 yn prysur nesáu, rydym yn ategu un o’r galwadau a gyflwynwyd gennym gyntaf yn 2016.

Cafodd y cyflwyniad hwn ei roi i gyfarfod 04 Gorffennaf 2018 Grŵp Trawsbleidiol Cynulliad Cenedlaethol Cymru ar Blant a Phobl Ifanc gan Cheryl Martin, Swyddog Datblygu ar gyfer Tlodi yn Plant yng Nghymru.

Cynhaliwyd ein Cynhadledd Genedlaethol ar Dlodi Plant, O Dlodi i Ffyniant – Busnes i Bawb yng Nghaerdydd ym mis Mehefin 2017.  Buon ni’n gweithio ochr yn ochr â’n haelod-sefydliadau a grŵp llywio Rhwydwaith Dileu Tlodi Plant Cymru, ac ar y cyd â nhw, a denodd ein digwyddiad dros 120 o weithwyr proffesiynol a phobl ifanc, yn ogystal ag ennyn llawer o ddiddordeb a sbarduno trafodaeth, a chael cryn sylw gan y cyfryngau yng Nghymru.

Mae Plant yng Nghymru wedi cynhyrchu adroddiad yn dilyn ein harolwg blynyddol sy’n edrych ar ba newidiadau sydd wedi digwydd ers ein hadroddiad ar dlodi teuluol yn 2014, Tlodi Plant a Theuluoedd yng Nghymru: Canlyniadau Arolwg Plant a Theuluoedd 2016.

Mae’r adroddiad hwn yn cynnig crynodeb o’r ymatebion a gafwyd i’n harolwg ar dlodi plant a theuluoedd. Daeth yr arolwg yn sgîl ein hadroddiad, Tlodi Plant a Theuluoedd yng Nghymru: Ciplun o faterion a godwyd gan deuluoedd a gyhoeddwyd yn 2014, a nododd yr ystyriaethau mwyaf cyffredin mewn perthynas â thlodi a gafodd eu codi gydag Aelodau’r Cynulliad, Aelodau Seneddol, a Chyngor ar Bopeth.